TAWUR

AUH MANAWUR

Ehem – ehem bitim behas…....

Pararinjet ganam kilau lunuk randan pakungan tingang,pararuguh labatam tapang ringkang pasanan antang. Ela bitim tarewen matei kalabuan jaringku nduan ambun andau etuh isen balitam sabanen Nihau kalapetan karahku matuk dinun kalaman katun. Hayak hampis ku bitim hapan garu nuking bakalinda tingang, simak ku balitam santi ngeket bakalmpang tambun. Jalam nahingan riwut rawei ku nduan ambun andau jetuh, jajnjaruman panamparam belum, tanduham nyalantingan tisuy panapatuk maharing. Handung katawang ku panalatai tandak kilau bulan mating malawet dare, batuana kuh pamalempang karunyam rowan bujang laut mapan randung banama. Puna tampan JATHA BALAWANG BULAU bitim balua kalang labehun penda selung balitam kabaluman kekah sihung manyahengkuk sahungker kabanteran bulan.

 Hasambalut bitim umba kalabien teras kayu erang tingang, hasakupa balitam homboh liwing uhing kayu andung nyahu, tuntang hasambalut bitim tinai umba kayu pampang saribu, hasakupa balitam homboh liwing kayu gangang haselan, uras kayun bukit bulau kagantung gandang kereng rabia nunyang hapalangka langit. IE RANYING HATALA LANGIT hemben huran matuh najangka lingue pandang JATHA BALAWANG BULAU tutuk panambalun tambun hatalatai karendem malempang. Hayak bakandung peteh mandehen RANYING HATALA LANGIT basalungkem janjin JATHA BALAWANG BULAU, KALABIEN BITIM HATALA TUNTUNG TAHASENG PANTAI DANUM KALUNEN KALAMBUNGAN BALITAM JATHA TAMBING NYAMAN LUWUK KAMPUNGAN BUNU TUNTANG TINAI BITIM BEHAS TAU INJAM AKAN INDU DUHUNG LUANG RAWEI, BALITAM PANDAI TISUI LUWUK KAMPUNGAN BUNU.

Basa bitim tuh injam ku akan indu duhung luang rawei maliaran rawei muh dengan sahur parapah karambang bereng panjaga hambalat diri kabalitan bitin…..(aran sahur itah)., puna handung hakatawan kuh bitim behas bara hemben huran tutuk panambalun tambun. IE nduan hambekan katun behas dia ulih kuh batandak panjang hakalingkang langit matuk dinun jarenang etuh, isen pandaiku nimang balitam nambu bambilit hawun, ela antang basule huangmuh mahining tandakmuh dia panjang isen tambun parasingen kalingum nahingan timang isen ambu. Nyambau ku biting ku dia sawang saluh nambatang sambang bunge lentar isen neras garu, baya bitingku sawang nyalangking penyang metas balitangku bunge nyalumpuk paturung.

Aku meteh bitim peteh mandehen kilau mbaji garing janji manjiret balitam ruwan mapak ulang harantung danum. Nyahuang ku bitin ketun antang gila namuei  tampung sahur baragantung langit, nyambau balitan…..…..(aran itah).,nangkaluma lingu hariak nambang sahur parapah narui rangkan panginan simpan hapa nampung tambun malentur labehu sama nusang hadurut lunuk, tamping hadurut panggil. Mangat ewn sama mimbit  Karen danum nyalung kaharingan belum, kayun penyang karuhei tatau, tangkalasan panyakit peres, mimbit Karen kapintar kaharati panarang atei.